Etter attentatforsøket mot Donald Trump i Washington for knappe to veker sidan, skreiv magasinet The Atlantic at vi har entra «normie-ekstremismens tidsalder». Normies er nedlatande internettslang for konformistar, og i sosiale media var attentatmannen ein sentrumsliberal A4-type på Bluesky med ein 25-dollardonasjon til Kamala Harris’ valkamp som einaste dokumenterbare, politiske aktivitet. Thomas Cole Allen hadde allment aksepterte haldningar – og «han var viljug til å drepa for dei».