Den svært likande og dyktige skodespelaren Dev Patel regidebuterer med ein film som først og fremst ser ut til å ville visa at han kan meir enn å spela «snille» og morosame karakterar. I det ultravaldelege (Jordan Peele-produserte), indiske actiondramaet «Monkey Man» gestaltar Patel den namnlause hemnaren «The Kid» (eller «Bobby» som han ironisk kallar seg). Rolla er eit motsvar til den som gjorde Patel verdskjend: den godmodige, smarte gateguten Jamal, som lik ein indisk askeladd vann både tv-prisen og prinsessa i Danny Boyles Oscar- og publikumssuksess i «Slumdog Millionaire» (2008).