Den fransk-danske filmskaparen Mia Hansen-Løve har ikkje berre studert filosofi, ho er dotter av to filosofilærarar (Laurence og Ole Hansen-Løve) og har vakse opp i nærleiken av Sorbonne-universitetet i Paris. Kjensgjerningar som kan få sjåaren til å tenkja at dei laust biografisk baserte filmane hennar truleg også er lausrivne frå kvardagen til dei fleste av oss. Det er langt frå tilfelle.