Heile 456 deltakarar er med i den gjeve konkurransen om å bli ny leiar i Kristeleg Folkeparti. Etter mange rundar med spanande leikar og fatale lagnadar for dei deltakarane som har roke ut, er det berre to som står att. Det er så klart kampen mellom Dag Inge Ulstein, som høyrest ut som ein «midt på treet»-OL-roar, og Olaug Bollestad, mest kjent for å vere Instagram-influensar og mora til Geir Bollestad. Skulle ho gå av med sigeren, kan vi ikkje utelukke at det er noko i konspirasjonsteorien om Herr Larkin eigentleg er ein skummel James Bond-skurk som planlegg verdsherredøme i bar overkropp.