Samstundes som leiande KI-selskap erkjenner mangel på kontroll over teknologien og eit behov for å bremsa utviklinga, blir det lekka stadig nye avsløringar av kva for grenser direktørane i selskapa har vore viljuge til å bryta. Business Insider (BI) melder om planar i Meta, eigarselskapet til Facebook og Instagram, for å kopiera arbeidet til sine eigne tilsette til bruk i trening av KI: korleis dei brukar tastatur og mus, til dømes. Det er viktige data når ein har som mål automatisera kontorarbeid som koding og rekneskap.