Den 1. februar 1986 vart den samepolitiske aktivisten og AKP-aren John-Reier Martinsen drepen då hundespannet hans vart køyrd ned av ein snøscooter på Finnmarksvidda. Politiet konkluderte med at det var eit tragisk uhell, og ein ung mann vart dømd for aktlaust drap. Media spekulerte mykje i saka, som med god grunn blir kalla bisarr, og Martinsens familie og vener har vore plaga av tanken på at politigranskinga og utfallet av henne ikkje førte til rettferd for den døde.