Heidersorda og dei varme minna om Robert Redford har strøymt ut av det amerikanske filmsamfunnet denne veka, og i Redfords tilfelle er ikkje nemninga «filmikon» ei overdriving. Det er likevel ikkje hyllinga av ein lang og suksessrik skodespelar- og regissørkarriere dei personlege helsingane har lagt sterkast vekt på, men ei inderleg takksemd for at Redford gav nye generasjonar filmskaparar sjansen til å utvikla seg og nå ut til publikum.