Eg hadde eit håp om å vere den som smelte til med sensasjonen i nyhenda denne veka. Mens det vanlege trauste bakteppet av folkemord, droneåtak, krig og svolt, og no også opptøyar i Los Angeles, kverna i bakgrunnen. Ja, sjekk dette: Det unge latviskfødde padletalentet Kurts Adams Rozentals er inntil vidare utelukka frå trening med det britiske olympiske padlelands­laget fordi han i januar i år oppretta ein konto på OnlyFans. Men akk. No er me i beste agurktid, eller auberginetid, men likevel gjekk dei ei heil veke frå BBC sleppte dette nyhendet den 30. mai til NRK slo det opp den 6. juni. Dette var sløvt, men dei kom meg i førekjøpet.