Unge folk er spreke, vakre og fulle av livsgnist, men dei har ikkje så mykje meir å fare med enn det. Ikkje at det er lite, altså. Det er likevel ikkje nok til at eldre folk bør gå rundt å lytte til unge folk. Når unge folk sluttar å sjå Dagsrevyen, så er NRK sitt svar å gjere programmet meir ungdommeleg. Og VG møter papiravisas fall med å satse på Tiktok. Har ungdommen eit godt poeng når dei foretrekkjer mobilvideoar framfor tradisjonell journalistikk? Nei, dei har ikkje eit godt poeng i det heile teke. Realiteten er at vanane deira er eit tilbakesteg, og difor bør dei få klar beskjed om at dei tek feil.