Endeleg var dagen der og ein gjeng vintørste unge menn (og kanskje også kvinner) slapp inn på Vinmonopolet i Valkendorfsgaten i Bergen. Der kasta dei seg over kassane med eksklusive flasker frå Frankrike. Det var det sjølvaste Burgund-sleppet som var i gang. Dei ivrigaste har lege i telt utanfor Vinmonopolet i dagevis. Tre studentar frå Handelshøgskulen (NHH) i Bergen skal ha kome fyrst. Sidan la fleire seg ned med sovepose utanfor Polet.