Måndag vart det kjent at kronprinsesse Kate er ferdig med cellegiftkuren og erklært kreftfri. At informasjonen ikkje nådde allmenta via ei offentleg pressemelding, men vart formidla gjennom instagramkontoen The Prince and Princess of Wales, reagerer knapt nokon på lenger. Formatet på meldinga var likevel oppsiktsvekkjande. Opplysingane vart lagt fram av prinsessa sjølv som lydspor til ein lengre video med idylliske scener frå kronprinsfamiliens privatliv, presentert i ein svært spesifikk spelefilmestetikk. Heile meldinga gav sterke assosiasjonar til Terrence Malick-filmar. Kva betyr det?