Å skapa ein verkeleg rettferdig og demokratisk stat er ein gamal draum som nesten har gått i oppfylling fleire gonger. Frankrike hadde ein lovande start i 1789, same år som dei amerikanske sambandsstatane gjennomførte det som framleis står som det mest vellukka forsøket. Seinare har det dabba av, dei liberale rettane syng på siste verset, og dei mest optimistiske amerikanarane er dei som ser på Donald Trump som oppfyllinga av ein gamaltestamentleg profeti om framgang og ære for Guds folk. Mange av veljarane hans seier at dei fekk livsgleda tilbake då han blei president.