Ja, då. Han har forklart kva han «eigentleg meinte», men Unge Høgre-leiar Ola Svenneby slepp ikkje unna nidstonga av den grunn. Det er alltid ekkelt å sjå ein dårleg vinnar opna døra til sitt minste og mørkaste hjarterom, men Svennebys skadefryd over at dei grøne partia gjekk tilbake i skolevalet, når ein ny botn. «Jeg tror vi kan erklære generasjon Greta Thunberg død,» sa Svenneby til NRK på skolevalvaken til Unge Høgre i Oslo, «en euforisk Svenneby», som NTB med god grunn legg til. Det er ein kommentar som får Siv Jensens «Morna, Jens!» etter Stortingsvalet i 2013 til å verka moderat. Svennebys «oppklaring» på Dagsrevyen gjorde forresten ikkje saka betre. Her var nemleg argumentasjonen at klimaaksjonistar ikkje har noko eigarskap til klimasaka – nei, vel? Og at annan klimaengasjert, norsk ungdom også var engasjert andre ting, som mineralutvinning på havbotnen. Ja, akkurat. GK