Denne veka har filmdistributøren Manymore Films i samarbeid med norske kinoar relansert den ukrainske animasjonsfilmen «Alva og Regnbuedragen» (2019) som ei solidaritetsmarkering. Kinoar som vel å setja opp filmen, får leiga han gratis. Dei kan sjølv velja korleis dei vil visa filmen, og om dei vil gje eventuelle inntekter til hjelpearbeid. Distributøren skriv i ei pressemelding at dei gjev sine inntekter frå filmen til «veldedige formål i Ukraina». Tiltaket er velmeint, og barn liker som kjent både å høyra og sjå historier og filmar om att, så anten ein har eller ikkje har sett «Alva og Regnbuedragen» før, så er det no ein sjanse til å få med seg denne reprisen på kino.