Eg er lei dei grøne vekstprofetane som meiner forbruket vårt ikkje betyr noko som helst for miljøet, for med perfekt teknologi skal det visst ordna seg. Eg er akkurat like lei velmeinande humanistar som seier folketalet på jorda er irrelevant for miljøet, for med perfekt fordeling og mindre sløsing blant oss rike blir det nok til alle. Ein av desse er Anna Blix (Klassekampen 22. juni). Vi kan for ordens skuld ta med den tredje gruppa blant dei einauga, dei som meiner både teknologi og folketalsutjamning er blindspor, at det berre er nøktern livsstil som gjeld.