Dei kallar meg Oljefondet. Eg vil berre det beste for oss alle, nå og i framtida. Eg veks litt kvar dag. No i det siste er det Elon Musk det går i. SpaceX er størst i kommersiell romfart, og Starlink for høgfartsinternett. Det er børsvinnarane me må setja pengane på. Og Tesla. Og KI, sjølv om nokre spår at det vil føra til verdas undergang. Han voks opp i Sør-Afrika Musk, kom til Silicon Valley i 90-åra, og blei kjend med Peter Thiel. Men Musk motarbeidde ikkje styresmaktene, slik Thiel gjorde, han spelte på lag med dei, og fekk fordelar av det. SpaceX står for dei fleste satellittoppskytingane i verda, og både det amerikanske forsvaret og NASA er avhengige av det. Kan KI øydeleggja verda, er det logisk at Musk kjem på tanken om å kolonisera Mars.