Me har alle vore der. Tenkt at den boka der, ho har eg på ein måte lest. Ikkje fordi du faktisk har lest boka, men fordi det er snakk om standardverk i den ålmenne kulturen, ein hjørnestein i vårt felles kulturelle reisverk, eit litterært fenomen det vert referert til såpass ofte at du på eit tidspunkt byrjar å ta referansane – ja, kanskje du til og med slenger ut nokon sjølv, om du kjenner deg dristig.