Den 30. mai 1944 vart Ivar Amlie skoten og drept av statspolitimannen Hein Henriksen på Einastranda vest for Einafjorden i Vest-Oppland, rett før han skulle runde 30 år. Amlie var kjøpmann på Einastranda og ein sentral støttespelar for motstandskjempa Asbjørn «Osvald» Sunde og hans sabotasjeorganisasjon, mellom anna ved å organisere forsyningar. I årevis var delar av Hadeland, Toten og Søndre Land baseområde for mykje av det som fanst av militant motstand mot okkupasjonsmakta.