Donald Trumps handelspolitikk og høge tollsatsar har ringverknader over heile verda. Eitt av landa som er hardast ramma av dei nye satsane, er India. Først fekk landet generelle tollsatsar på 25 prosent, så 25 prosent ekstra toll som straff for at dei etter utbrotet av krigen i Ukraina har importert store mengder olje frå Russland. Indisk eksport til USA får dermed 50 prosent toll, noko som er blant dei høgaste satsane i verda, og langt høgare enn landets konkurrentar på den amerikanske marknaden. Dersom dei blir innført for alle varar, vil det i praksis bety at all indisk eksport til USA forsvinn.