Lina Breidablik

Heime aleine

Roman

Gyldendal 2023, 144 sider

Det meste i livet til eg-forteljaren i Lina Breidabliks debutroman verkar å vere mellombels. Ho er vaksen, men framleis ung, utan eigen familie og store forpliktingar forutan seg sjølv. Ho har ein jobb, men det er eit vikariat, og ho takkar nei til fast stilling. Ho er på veg ut av husværet ho leiger, og må finne seg noko nytt. Ho bur i Oslo, men kjem frå ei bygd ved ein fjord, etter alt å døme på Vestlandet. Bakgrunnen frå bygda kan få lesaren til å tenkje: Bur ho kanskje mellombels i Oslo òg?