Det er ei lang industrihistorie i Ølve og Hatlestrand i ytre delen av Hardangerfjorden. Alt rundt år 1100 byrja dei å hogge og produsere baksteheller – runde flate steinar til å steike brød på. Og det er funne restar etter mange baksteheller frå området i mellomalderbyane Bergen, Trondheim og på Færøyane, i meir rurale område og jamvel i Oslo, ifølgje artikkelen «Steinbrota i Ølve – ei klosterdriven verksemd?» av Irene Baug.