Eg kunne hevda meg ganske godt i krinsmeisterskapen i kvitaste mann, men eg måtte nok konkurrert med andre frå Medie-Noreg, sjølv om journaliststanden er i betring. Det er eit haldningsproblem, hevda leiar i Norsk Journalistlag Dag Idar Tryggestad i ein mangfaldsdebatt sist veke og viste til at i mange lokalaviser er førarkort ein viktig kvalifikasjon. Den første journalistjobben min òg var ein slik. Eg hadde inga utdanning eller erfaring som journalist, men førarkort.