Med «Chiara – Mafiaens datter» har Jonas Carpignano fullført ein tematisk utfyllande trilogi, som på unikt vis har løfta opp ignorerte sosiale utanforskap i Europas midte og vist dei fram i kinosalen. Samnemnaren for dei tre frittståande filmane – som alle hentar skodespelarar blant verkelege menneske i den same småbyen i Calabria – er freistnader på flukt. Flukt frå fattigdom, kriminalitet og sosial arv. Den amerikansk-italienske filmskaparen tenkte neppe å starta eit så omfattande og ambisiøst prosjekt då han debuterte med Cannes-snakkisen «Middelhavet» i 2015.