Trass i at kinojula gjekk fløyten med omikrontiltaka, viser billettstatistikken for 2021 at kinoane kan gå ein lysare vår i møte i 2022. Publikum kom tilbake då salane opna i haust, og blant dei fem mest sette filmane er tre norske. På femteplass ligg sensasjonelle «Verdens verste menneske» (214.043), knapt slått av «Dune» (217.107), og på pallplass finn vi «Nordsjøen» (221.452), «Tre Nøtter til Askepott» (570.338) og «James Bond: No Time to Die» (666.143). Og ifølgje Film&Kino har enno ingen vorte koronasmitta på kino! GK