Polkabjørn losnar litt på slipset. Han må det for å nå dei djupaste tonane, og dei er ganske djupe. Bjørn Tomren, som han er døypt, har fått eller teke artistnamnet Polkabjørn fordi han har gjort seg kjent som ein utmerkt jodlar. Etter kvart har han utvida til å drive med strupesong, ein kunst perfeksjonert i mellom anna Mongolia. Tomren har sjølv gått i lære hjå dei kjende strupesongarane i Huun-Huur-Tu. Og tonane han skal nå, dei er djupe.