Ikkje alt går på skjener i arbeidet med å samle Hordaland og Sogn og Fjordane til eit fylke. Pengane er ei sak. Diskusjonen rundt kven som skal ha råderetten og arvesylvet til Sogn og Fjordane har skapt ufred. No står partia framføre nominasjon, og då er politikarane frå veslebror Sogn og Fjordane uroa over korleis det vil gå når kjøtvekta avgjer. Hordaland har fem gonger så mange innbyggjarar som Sogn og Fjordane, og då er det ikkje rart at frykta melder seg.