Alle har vi våre juleplater som vi klamrar oss desperat til i håp om litt julestemning og nostalgisk glede. For min eigen del består julas heilage triangel av Odd og Sissel sin «Strålande jul», serbiske Divna sin «L’ame du chant orthodoxe» og, ikkje minst, «Jul i Blåfjell». Men for nokre år sidan oppdaga eg – femten år for seint ute – Sufjan Stevens sin nydelege «Songs for Christmas», og fell pladask. Eit julemirakel hadde skjedd: Eg tok ny julemusikk til meg, låtar som ikkje allereie var marinert i min eigen barndomsnostalgi.