Karl Øyvind Jordell bør førebu seg betre før han kastar seg ut på djupna. Det første ein kunne ha forventa frå ein professor emeritus, var at han sette seg inn i heile ordskiftet frå min opphavlege tekst i Språket 7. oktober og Knut-Jørgen Plesners replikk 13. oktober før han kasta seg over mitt tilsvar frå 17. oktober. Då ville han kanskje ha fatta at det faktisk ligg forsking bak nynorskeffekten på læring, og han ville kanskje ha gått ad fontes og sett seg litt betre inn i denne forskinga før han – som så mange gonger før – framfører bodskapen sin om at språk no kan overlatast til maskiner.