Dei sjeldne minerala som finst på Fensfeltet i Nome kommune er visst avgjerande for tryggleiken til Noreg og den vestlege verda. Dei trengst for det grøne skiftet, for å løyse klimakrisa, for den teknologiske utviklinga og for at Vesten ikkje skal bli dominert av Kina. Og for å produsere moderne våpen og annan krigsviktig teknologi som kan forsvare oss dersom russarane kjem. Det er langt frå utenkeleg, skal me tru styresmaktene. For dei rustar opp i harde tak, og oppmodar oss alle til å vera førebudde på krig.