Ein skal vera forsiktig med å hevda at ein som er professor i regional økonomi og politikk, som Håvard Teigen er, tar feil om distriktspolitikk. Men kronikken hans i Klassekampen 3. november krev etter mitt syn korreksjonar. Han har nok rett i at distriktspolitikken var eit lite debattert tema i valkampen. Andre saker prega valkampen påverka av den internasjonale situasjonen, økonomisk og sosial utjamning og skatt. Og at distriktspolitikk som uttrykk og eige tema ikkje er så synleg som i tidlegare tider. Det betyr ikkje at distriktspolitikken er lagt på hylla, slik ein langt på veg kan få inntrykk av at Teigen meiner.