Er Mímir Kristjánsson kompetent til å ta sete i finanskomiteen, spør han i Klassekampen 15. oktober. Ja, han er lærevillig! Viktig å lære noko om, er kven som skaper dei materielle og immaterielle verdiane i eit godt samfunn og korleis fordele desse verdiane. Kvinneuniversitetet i Norden har gitt ut eit kompendium om feministisk økonomi. Her blir grunnleggande spørsmål drøfta, som kvifor nokon blir fattige og andre rike og kvifor privatisering av velferdsstaten er ein faktor som aukar desse skilnadene. Kva har eigedomsretten å seie for utnytting av menneske og natur, korleis nyttemaksimere verdiar for å unngå bruk og kast og korleis kan eit feministisk perspektiv på økonomien vere eit korrektiv?