Erik Tunstad har heilt rett i at det kan vera vanskeleg å skilja mellom natur og kultur (Klassekampen den 6. august). Den patriarkalske undertrykkinga av kvinneleg livskraft fell likevel innanfor det kulturelle området med god margin, og når han spør om «det ville være mer ‘naturlig’ om vi paret oss som vortesvin», er svaret eit klart ja. For vortesvin parar seg to og to, med stor entusiasme og lidenskaplege grynt, utan at fedrane deira eller andre samfunnskrefter tvingar dei til å vera med på noko som dei inderleg avskyr.