Historikar Øyvind Tønnesson hadde 2. juli eit innlegg i Klassekampen. Han omtala fredsrørsla i 1980-åra som «nyttige idioter». Lenins gamle uttrykk har kome til heider att hos folk som sjølve tydeleg ikkje ser opp til han. Ine Eriksen Søreide tok omgrepet i bruk for ei tid sidan, denne gongen for å stemple Marielle Leraand i eit av debattprogramma til NRK. I dag verkar uttrykket som eit høveleg verktøy for å utdefinere ein politisk motstandar utan å sjå på dei argumenta som han tek i bruk.