Otto Homlung er død, 81 år gamal. Med han er ein særs markant regissør og teatersjef gått bort. Han var utdanna litteratur- og teatervitar, og jamvel om han aldri sjølv stod på ei scene, hadde han heilt frå barndomen ei sterk tilknyting til teateret. Men at denne Frogner-guten skulle bli ein forkjempar for nynorsken og dialektane som scenespråk, og den fremste tolkaren av Olav Duun, låg neppe i oppvekstkorta hans.