Bergljot Kaslegard løftar dyna av det radikale kjærleiksbodet.
Merete Røsvik
Gi og ta: Kaslegard gir form til smerta ved å ikkje bli sett for den ein er, berre for det ein kan gi. Foto: Anne Nygård
Bergljot Kaslegard
Elvira har klikka
Tiden Norsk Forlag 2025, 146 sider
Kva er samanhengen mellom ei kristen oppseding og tvangspuling? Spørsmålet veks fram medan eg les den sjuande boka til Bergljot Kaslegard, romanen «Elvira har klikka». For der bøker som dei siste åra har avslørt vald og tvang mot kvinner, skildrar æreskultur i muslimske miljø, tar Kaslegard utgangspunkt i ein vanleg kristen, idealistisk familie. Kva gjer det eigentleg med ei jente å vekse opp med foreldre som ser det som ei plikt å frelse verda?
