Den dåverande Fifa-presidenten Joao Havelange erklærte i 1998 at han ville ta initiativet til ein fotballkamp mellom Israel og Palestina for å prøva å løysa den brennande konflikten mellom dei to. Utspelet viser at dei høge herrar i det internasjonale fotballforbundet ikkje er heilt tiltakslause i politiske konfliktar. Grunngjevinga til Havelange var denne: «Fotball kan skapa forståing mellom folk som alt for lenge har stått med ryggen til einannan… Der politikk, diplomati og finansmiljø har mislukkast, der trur eg fotballen kan gjera veg i vellinga.»