Du kan bla til neste sideBla med piltastene
DebattDikt

Oljetankar og andre tankar

Lise-Marte Vikse Kallåk (Haugesund, poet)

Sola skin på oljetankana
dei er ikkje som andre tankar
dei tenker ikkje
Dei er ikkje ein tenketanke
heller ikkje ei tankesmie
men dei smir mens olja går varm
Det skal dei ha
ha, ha, ha
Hi, hi, hi
Ho, ho, ho
NHO ko, ko
Det er ekko i tanken
Det er ein ping pong-ball
ein pling i bollen tanke
i tanken
Det sorte gull
Det sorte hull
Sola skin ikkje på
oljetankane
for dei kan ikkje
tenke

Du har dessverre ikke tilgang til artikkelen

Logg inn i appen eller kontakt kundeservice.