Mange heimekontorslitarar går no den krevjande tilbake-til-kontoret-hausten i møte. Ikkje berre må ein børsta støv av både folkeskikk og ei anstendig bukse, ein må også førebu seg på risikoen for å mista den digitale høgdestatusen sin, eller «tall Zoom energy», som den alt innarbeidde amerikanske termen er. Særleg sårbare er kvitsnippfunksjonærar som har fått nye kollegaer i løpet av pandemien, folk ein berre har møtt via Teams eller Zoom, og som ein no for første gong skal helsa på IRL.