Oslo-politiet har i det siste sett inn ressursar i gateprostitusjonsmiljøet i Oslo, men ikkje for å handheva sexkjøpslova. Så langt vi veit, har det i dei tolv åra som har gått sia denne lova vart vedtatt ikkje vore brukt mykje politiressursar på akkurat det. Lova forbyr kjøp av sex, ikkje sal. I den grad det skjer noko kriminelt, er det altså kjøparen, vanlegvis ein mann, som er den kriminelle.