Regjeringa har store vanskar med å forklara kvifor dei leikte julenisse før jul. Landet vårt viste positiv retning i høve til redusert smittefare, vi hadde R-tal som var tilfredsstillande og håp om det kunne verta mogeleg med ei gradvis normalisering dersom denne trenden ville halda fram. I staden for å surfa vidare på denne gode utviklinga tok Solberg og co. på seg nissedrakt og gav mange det dei så inderleg hadde håpa på: frislepp i jula. Og folket brukte gåva for alt ho vart verdt, der og då, anna var ikkje å venta. Det heilt utrulege er at regjeringa ikkje såg kva konsekvensar dette ville føra til.