Korfor er kvensk språk og kultur så å seie borte i dag? Svaret er fornorsking og politisk press – ei meir enn hundre års iherdig frårøving av det som var vårt. Og undertrykkinga pågår enno i dag, for open scene. Biskopen i Nord-Hålogaland har i desse dagar fått flengande kritikk i aviser og på Facebook. Bispekontorets handtering av ei pågåande sak bringar fram sterke reaksjonar, med ord som «fornorskingskontor», «overtramp» og «hån mot kulturen». Biskopen svarer at det er ei misforståing at bispekontoret driv med fornorsking. Korfor gjekk det så gale, og kven er det som har misforstått her?